今晚去咗睇《机械侠》
传说中嘅中国版嘅Transformers，但係D特效就真係差得远啦~
可能，为咗适应中国国情，D机器人嘅身材都非常苗条，而且线条有种圆滑嘅流畅感~
不过打起交来就成日慢动作+定型摆pose，无乜震撼感~
真係，睇吴京真人打好好多……
最离谱就係，山寨之余，仲搞咗只庞大嘅机械僵尸，係机械人喺体内用手来操作嘅机械僵尸~
唉~~~~~~~~~~技术差距啊~~~~~~~~~~~~~

作为一部特效片，唔想讲乜咯~~
而作为一部搞笑片，D桥都比较山寨都比较旧咯~
用重庆森林嘅对白来试图搞笑，用星爷嘅百变星君“变脸”来将笑声推到最高点

第一次睇胡军拍搞笑片
唔知係因为接受唔到由佢来搞笑，定係因为接受唔到配音嘅问题
虽然佢已经好破坏形象，但，始终唔可以令人有种震动内心嘅“笑”~
而郑中基咯哦，莫非係因为事先对佢嘅搞笑期望太高，睇完觉得，佢只係一个超级配角~
最后——非常之顶唔顺方力申嗰发型同厚厚嘅N层妆~

嗯，快要讲到重点啦~
之所以要喺呢度记低呢部电影，始终有原因嘅~
作为一部爱情片~俾入面嘅一段话打动咗……

——假设你爱嘅人要你去摘悬崖上嘅—朵花，当然只係假设，而你明知道会跌落悬崖而死，你会唔会去？
——唔会！
    我想你知道，我唔会上悬崖去摘嗰朵花
    因为我要生存
    生存是为咗喺你吃完嘢唔记得抹嘴嘅时候，我嘅眼睇得到
    当你唔开心嘅时候，我嘅耳仔可以听你发发牢骚
    当你开心时，我嘅嘴可以陪你一起讲
    当你唔舒服时，我嘅双脚可以跑去帮你买碗粥
    当你冻嘅时候，我嗰双臂可以抱紧你
    不过，如果有一日，当你揾到一个男仔，而且你中意佢多过我嘅时候，我就会爬到嗰个悬崖上面，为你摘嗰朵花...

当机械人爱上人类，就已经注定咗唔会係一个happy ending
“如果人是上帝制造的，而机器人是人制造的；那么，人可以怀疑上帝，为什么，机器人不可以怀疑人？”
只可惜，佢唔可以违抗人类已经set好嘅程序
而最后，佢选择咗做令自己开心嘅事——送上佢要嘅花，喺佢耳边讲咗并唔可以讲出口嘅三个字——选择咗，为咗爱而自我毁灭……


睇完电影后，有幸陪人见证咗一个电视剧情节喺现实生活中出现嘅“传说”
唔知，究竟会有几多电影电视情节会再俾我喺现实中遇到呢？

If you love someone, will you tell him/her that you love him/her?
Will you???????????