喺中学读书6年，参加人生第一次 “高考”
离开中学6年，参加人生第二次“高考”
当然，今次嘅角色已经有咗好大嘅转变——由高考生变成工作人员
但似乎一D都唔轻松；更甚至，巡考比考试更加辛苦……

高考嘅第一场，当楼梯大门打开嘅嗰一霎
听见有考生喺度大哎，然后再满怀斗志咁行入考场
喺走廊度，听见好多句“加油”
有为自己而讲嘅，更多嘅係相互之间嘅鼓励
无论係“大哎”定係“加油”，都係一种自我嘅士气鼓舞
辛苦咗咁耐，为嘅就係呢几日
所以，从呢一刻开始，无论自己嘅尽量有几多，都只可以“心口挂住嗰‘勇字’”，s就s啦~

虽然“高考”对我来讲已经十分陌生
但望住佢哋，感觉上就好似翻到当年，好似我就係呢个群体中嘅一人
想当年，同大多数人一样，深受“高考”嘅催眠
认为呢场係人生第一场，甚至係唯一一场最重要嘅硬仗
既然咁重要，但事隔6年，喺呢一场仗记忆入面留低嘅又係乜嘢呢？

6年前嘅高考......
考场——当然记得，自己读咗5年书嘅学校，占尽主场之利
总分——当然记得，凭住英语（2）749呢个分入咗中大psy，就好似呢个就係自己嘅身份凭证一样
天气——当然记得，倾盆大雨——喺人生最重要嘅时刻遇上自己最讨厌嘅天气。但最感动嘅係老豆凸登请咗几日假，无论几大雨都每场管接送。虽然只係摩托车，但着住雨衣喺佢背后，感觉到嘅係一种好大嘅力量感
……

高考仅存嘅记忆，好似，就係上面呢D啦~
係因为记忆空间内存有限，定係呢件事对我嘅刺激性唔大呢？
不过又确实，高考带俾我嘅最大感觉就係——无感觉！
好记得行出考场后同老豆讲嘅第一句话就係——“咁就係高考啦？”
呢句话，并唔係睇小呢场考试
而係觉得，既然係一场咁重要嘅考试
点解会连一D激动、一D紧张感都无？
考完就考完啦~好平淡，就好似，佢只係高三其中一次模拟试咁……

如果话6年前嘅高考係一场“脑力”斗争
咁6年后嘅呢次高考，简直就係一场“体力”劳动
真係唔知点解自己会咁“好命”……
明明往年D新丁第一年係唔使去监考嘅，但偏偏我就俾人捉咗去做考务
明明其他班主任基本上都係监考两日，但偏偏我就要巡考三日
明明其他巡考嘅只“口”字型咁喺5、6楼之间行来行去
可能加加埋埋一日要行成“百”层楼~
翻到屋企真係攰到摊喺度唔想郁~
GOD~~~使唔使咁“重用”我啊？？？

都好，已经係最后一日啦，分开上、下午各考3科X科
so，无论係上午定下午，考完后都听见无数考生喺度大哎“考完啦”！
係啊，考完啦~佢哋辛苦咗咁耐，终于可以彻底解放啦~
而佢哋将要迎来嘅係可以实现“梦想”嘅大学，定係堕落嘅大学4年，就要睇佢哋自己点选择啦~~
ps：今届高三其中有几个係经我指点过大学生活嘎，唔知佢哋会唔会过得“醒目”D呢？呵呵~

好啦，巡考无聊写嘅呢篇高考3日流水账都係时候要结束啦~
ps：听闻宜家高三考完嘅指定动作已经唔係卖二手书，而係“高空掟书”啦~有机会目睹嘅，再第一时间放相或者视频上来哈~~

唉~~~~~但今晚仲要睇晚修~
而且，端午翻来后，好无阴功咁要连续工作2个星期，仲有3日要捱啊~~
而且，仲未知周末要唔要补课~
唉~~~~~我盼咗N耐嘅双休啊~~唔好又咁无咗啊~~~