完全荒废咗两日嘅工作，煲完咗成部“败犬”
睇完之后，其实真係好有感触（ps：有好多对白其实真係好有意思，下面好多成大段引号入面嘅，就係引用嘅败犬语录）

“败犬”VS“败狮”
（呃……其实，我应该都未到“败狮”嘅程度吧~
入面嘅“小草莓”又咪係25岁……）
其实觉得自己，有D地方真係同无双好似~
一样识得忍痛、一样识得扮坚强，有时甚至一样係对人好但又唔想俾人知
不过都好，虽然一样係中意争强好胜，但至少唔係事业型嘅女强人
而且，并唔会唔理会人哋嘅感受，有时甚至因为太在乎人哋嘅感受而令到自己诸多禁忌……
而又至少，我仲未有开始姐弟恋啊、师生恋啊~虽然同班马骝嘅年龄好似咁啱又真係相差8、9岁，呵呵~


好啦，讲翻正题……
虽然成日话，宜家台湾D偶像剧都好白痴
白痴嘅剧情，白痴嘅对白
但呢部，白痴得来，又确实反映咗宜家嘅一个社会现实——“败犬”&“剩女”
而呢两个词，已经逐渐向80后嘅上半段接近啦~

开心上面好多投票都喺度探讨点解80后上半段嘅女仔仲有咁多係单身
有人话，係因为80后嘅女仔已经可以经济独立，所以开始玩“感觉”，无feel嘅一律免谈
亦都有人会认为，係因为80后嘅女仔眼光高，所以开始讲“条件”，无车无楼就一概唔接受
咁，究竟係“感觉”重要，定係“条件”重要呢？

“条件真的比感觉重要吗？
谈恋爱如果只剩下条件的话，不是很悲惨吗？
条件能让你快乐吗？还是条件能让你幸福？
当你靠近一个人，那种心跳加速、害羞的感觉，你还有吗？”

可能，我真係唔係一个“条件”女
又或者，我依然天真到继续停留喺“感觉”嘅阶段……
因为，我真係好同意上面嘅嗰段说话

有人会成日喺度话要以事业为先，自己咩住成身嘅包袱，以呢个作为借口……
但有无啉过，其实，仲有好多女仔，想要嘅，并唔係一种物质，可能更多嘅只係一种陪伴、一份简简单单嘅爱~
“如果累了没车，我可以背你回家
如果你心情不好，我可以陪你上天台看星星
没有金钱推动的恋爱，也不见得不浪漫啊......
这样因为感觉单纯地在一起，难道不可以吗？”
上面嘅呢段说话，相信依然可以令到好多女仔动心……

可能缺少“条件”，生活会好平淡，甚至，有时会为咗添置某D生活上嘅嘢而左算右计
但，女人其中嘅一个弱点，就係摆脱唔到一份“太过感性”
可能只要佢认定咗你，认定咗呢种感觉，只要感觉无变，佢就愿意陪你两个一起过一种平淡嘅生活、愿意陪你两个一起面对生活上嘅一切困难


有人话，“败犬”係为咗要摆脱单身嘅生活，先会纠缠喺两个男人之中
“难道女人的胜负，真的必须取决于男人？再不怎样的女人有了男人就是抬头挺胸的胜犬，没有男人就必须垂头丧气，乖乖贴上败犬的标签吗？”

单身，其实并唔可怕……
因为习惯单身嘅人，就已经习惯咗一个人嘅生活
一个人宅喺屋企，听听歌、煲煲剧、打打波、玩下狗仔、煮下饭仔
其实，一个人都可以好好过

点解一个人，一定要变成两个人？
喺以前嘅年代，或者为嘅就係令到女人可以有个经济依靠
但依家嘅女仔，好多都已经可以做到经济独立，甚至生活上嘅好多事，都可以自己去解决
咁点解，仲需要有另外一个人呢？

更大嘅原因，可能係因为身边嘅人都已经开始一双一对
但并唔係因为咁而觉得失败
係因为，想去电影院睇戏嗰阵，想行街嗰阵，唔开心嗰阵
慢慢发觉，已经唔知可以再揾边个陪……
因为并唔想做N瓦嘅灯泡，并唔想成为一个“负累”
所以一个人，有时确实真係会好寂寞……

成日同班DD仔MM仔话，青少年嘅puppy love，好多都係一种“从众”嘅行为
但成年人之间嘅，就唔会係咯么？？？
唔想因为见到人哋都一对对，所以要帮自己揾嗰来凑对
其实同无双一样，好想继续因“感觉”而拍拖
但係，呢份想要嘅“感觉”，究竟係乜嘢呢？

直到今日，身边依然仲有人认为，我因为未曾放低某人，所以依然单身
但对呢个人，真係已经放低咗好耐……
因为对佢，已经无咗任何嘅期待~
“冰淇淋融化之后，就算你把它摆在冰箱里面再冰冻一次，也已经走样了”

虽然唔知，剧入面风信子开第二次花嘅“秘方”係唔係真嘅
但呢个“秘方”，其实真係讲得好啱
“Be dead, and to rise from the death...”
要先学识“放手”，先可以有下一次嘅“捉紧”

“偶尔还是会期待那个永远不上线的人突然出现
或者是说，期待那一串曾经熟悉的电话号码再次出现在自己的手机里面
偶尔还是会想要偷偷知道他的近况，还是会想要关心他过得到底好不好
但，只是关心，仅此而已
不是等待，等待没有希望的曾经
而是去等待，等待下一次动心的机会、下一个对的人，等待未来...”


最后，引用一段网上某个败犬迷写嘅故仔来“怀勉”下呢部难得可以打动到我嘅“白痴”台湾偶像剧~（可能，只有睇过嘅，先会知道后面呢段嘢係讲乜，先会feel到入面嘅嗰种感觉……）
【从前有这么一个传说：
渔夫捞上满满一网的鱼儿，彩色的，活蹦乱跳的，有漂亮的热带条纹。

只有一只是很大很圆壳很硬的鳖，被网眼给卡住，哇哇乱叫，臭脾气的渔夫救你，被你一口咬住，他很无奈地把你带回家，喂你好吃的，跟你说话，你碰到危险的时候救你，忍受大拇指长期红肿，他把你养大，然后，忍着心疼放你走。

然后你碰到了从前的恋人北极熊，你跟着他走，对他好，对他笑，但你从来不咬他，你以为那就是你的人生，可是你知道为什么你不能对不起他，却可以对不起草莓渔夫吗？

因为，只有草莓的手指头是你认定的，你只咬他，只在他的手心里伸出头，毫无顾忌地咬到鲜血直流。

爱情永远是这么奇怪的事情，往往只愿欠着情的，是最爱。】