doggie 的个人博客

又係一朝嘅早起，因为又要赶7:40嘅车翻青岛
原来喺蓬莱出发嘅呢班车係靓好多噶，大巴，比来嗰阵嘅车舒服好多
同一班车ms喺青岛边係中午时间出发吧，有兴趣、时间又啱嘅，可以参考下呢个时间


落车后，再搭翻公车到中山路，沿路见到有住宿嘅地方，我哋都会好唔心息咁入去问问价、睇睇房，碰下运气
中午喺一间网上都好多人推荐嘅“好一家牛肉米粉”吃lunch
其实，呢间嘢，即係另一个版本嘅花溪王，味道差唔多，不过就，粉可以任加，啱晒D大胃王


最后，行去我哋已经算book好咗嘅中山旅馆，睇下环境究竟有几恶劣...然后再决定係唔係要再继续搵房
可能係因为期望值太低吧，入到房，感觉，还ok吧~
除咗真係一阵霉味，除咗一台分体隔开两间房用，D床单就都，还算干净嘅
其中一个冲凉房就ms还过得去，但toilet就真係，非常非常一般啦~（决定，如果要去厕所，我哋就出去借用永和或者m记嘅）
因为真係唔想再行啦，所以都係决定喺呢度落脚咯，始终，80蚊一晚，仲想点...
（听日再放呢度D相上来俾你哋睇下哈~~）


放下嘢，执下嘢，就只係剩翻半日时间啦
又落雨哦，就干脆将今日嘅行程安排成去行下步行街同啤酒街
一出门就发觉，落雨啦~~~~~~~呢度D天气预报真係准...
啊~~但我无带遮过来~~真杯具~~~


首先，先搵间发廊仔洗下头，呢度D海风真係会吹到D头发好“黏糊糊的”...
点知，入咗间黑店......
反正就係喺中山路度嘅其中一间（好似就喺王姐烧烤对面），叫乜名就唔记得啦（好似有只“戈”字）
洗头鬼咁细力哦，洗唔够5min就想停手，叫佢洗多阵又非常之唔情愿（嘉蚊话仲要俾面色佢睇），洗完个头都好似无洗过咁，依然係痕嘅

呢个都未算激气...
最离谱嘅係，就用个风筒是但吹卷下就叫帮你搞咗个“造型”，要加收10蚊
OMG，讲明“洗吹”15，吹头唔係包埋吹卷嗰么？而且吹之前又唔讲清楚要加钱哦~
简直就係昆水同宰游客！！！！！
搞到蚊蚊鬼咁火滚，破坏晒我哋嘅心情，真係唔翻来唱衰佢间嘢都对唔住自己啊~


洗完一个极之恶劣嘅头，我哋就继续搭公车去台东
台东步行街，都算係呢度出名嘅其中一条购物街吧~
商场就係多啦，其中一带係以小店为主，但就感觉上卖嘅嘢好似都係喺GD攞货咁嘅，无乜特别






成个步行街区域，我觉得最有特色嘅，係两旁D楼嘅外墙涂鸦
听闻就係为咗宣传奥运而画嘅，作为青岛嘅一条特色商业街吧
嘉蚊话宜家GZ都喺度讨论紧类似嘅嘢，即係为咗亚运要搵一带嘅楼来涂涂画画咯
但係遇到嘅反抗非常大...
又係嘅，个人喜好又好、个人利益都好，肯定会有反抗嘎啦
但如果最后都係硬压落去要画嘅，而又画得好嘅，最终又咪会变成呢条街咁，变成一个吸引游客嘅地方
























喺台东度再行落一两条街，就到青岛嘅另外一条特色街——啤酒街
作为“青岛啤酒”嘅出品地，呢条街似乎真係每个游客必去嘅地方之一








呢条街嘅所有摆设都非常切题
酒桶啊、开瓶器啊、壁画啊，甚至係凳啊、灯啊、垃圾桶啊，都同啤酒有关




















当然仲有青岛啤酒博物馆&青岛啤酒厂
但因为我哋去到都已经给比较夜啦（6点几），只係想趁住仲有D昏暗嘅日光就影下相，所以就无参观啦~








来到啤酒街，又点可以唔搵间店坐低吃吃蛤蜊饮饮酒呢...
本来打算同样搵间多人嘅试试，但事实係，呢度每间几乎都一样多人
其实，后来谂翻起，同样係有出产啤酒，点解肇庆就唔可以学下人哋咁整翻条类似嘅啤酒街呢？
好似呢度咁，无论係作为旅游景点，定係本地人平时悠闲娱乐嘅地方，每晚都肯定爆棚，绝对係一个卖点啦~~


凭感觉（搵间好睇D嘅），我哋拣咗间叫“海蛤蜊”嘅坐低吃饭兼饮酒
呢间就稍微偏贵小小吧，而且，D啤酒都係要一扎起（后来发觉我哋又蠢咗啦~~）
我哋叫咗扎“原浆啤酒”，第一啖落口就已经发觉——原来真係可以“饮”得出啤酒係用小麦整噶~~
非常香浓嘅小麦味，而且，无乜汽哦，真係名副其实嘅“原浆”
试过之后就更加觉得，平时饮嘅啤酒係几咁唔好饮...（其实本来就唔多中意饮）




我哋仲点咗碟炒（唔记得乜）贝，几串烤海肠子，仲有碟小黄瓜炒蛋
后者比较好吃，因为D小黄瓜真係“小”黄瓜，条条都可能只有手指尾咁细
斋係嗰样就已经好可爱啦~~而且就都有蛤蜊同肉碎一齐炒嘅，几好吃~




喺呢度饮酒吃嘢之余，仲可以睇到嘅一种节目就係——卖唱
好多人会捧住吉他啊、saxophone、沙锤之类嘅喺度兜客
而且几乎係全家总动员...
因为甚至会有D几岁嘅小妹妹，着住裙仔+黑色网纹打底裤，手攞住只摇琴，喺度用D好可爱嘅眼神tum D哥哥姐姐们听首歌仔...
卖唱D后生仔就超级落力咯，又唱又哎又狂跳，仲要几乎每张台唱完都会俾人“对”几杯酒
生意唔易做啊~~要哎得、要跳得、仲要劈得...

我哋就，成晚都係喺度睇表演
事关，D卖唱嘅几乎每次行过我哋张台都直接忽略我哋
可能觉得我哋两丁女嘅，又成个学生咁，睇都唔会帮衬佢哋吧
嗯，呢个係确实嘅...我哋的确唔会...呵呵~~


我哋好傻咁啃完咗扎原浆，已经好饱啦~
（无讲假嘎，本来觉得呢度无饭吃，好唔爽，但后来真係饮啤酒饮饱咗...）
但始终觉得唔係好够
并唔係未饮够，而係，因为我哋啱先影相嗰阵发觉，有D店有黑啤同绿啤卖嘎~
觉得，如果唔试埋呢两种咁搞嘢嘅（尤其係绿啤），就真係会留有“遗憾”咯~~


so，我哋决定转场
入咗间叫“原浆酒窖”嘅
呢间嘢就识做生意啦，D酒可以半扎起（其实相对来讲咁买係会贵D嘎）
我哋就黑同绿各要咗半扎，再炒咗碟蛤蜊送酒...


其实呢，我哋就真係非常饱
呢两半扎酒，纯粹就係买来试味同影相嘅
先报告下试味嘅结论——
两只酒都好苦，尤其係黑啤，苦到，好似饮斋啡咁（而且，真係有阵咖啡味嗰哦~）
绿啤就稍微好D啦，但都係苦...
后来，我哋亦都稍微打探咗下呢两种酒嘅制法
原来黑啤係用焦麦酿嘅（即係炒燶D麦芽），而绿啤就係加咗螺旋藻...
係咪“调查”得好到位呢？哈哈~~（纯粹係八卦...）
顺便俾大家睇下呢度係点卖酒嘅...




大家可以放心，我哋纯粹就只係饮到极之饱，绝对无醉嘎~~
呢张绝对唔係发酒癫~只係发傻...




Cheers~~~~~




抱住唔好浪费嘅精神，我哋喺度s撑咗好耐，饮到11点几，实在係饮唔落啦
而且中山旅馆有门禁时间嗰哦（12点关门）
我哋都係决定打的返去咯~~~


本来以为，呢间嘢嘅冲凉房睇落还ok
但到用时先发觉，D水超细...
唔知应该点形容，反正就係，可能只係正常水速嘅十分一
非常之唔爽......


最后，before end the Day3，送张相俾你哋可以更好咁睇清绿啤究竟係乜颜色
各位观众......千祈唔好以为左手边嗰瓶係绿茶哦~~
佢係如假包换嘅绿啤~大家可以通过右手边张睇清楚D佢嘅真面目...
（嗯，无错，我哋非常傻咁打包咗翻去，哈哈~）






                                                                 To Be Continued...

今日5点几6点就起身咯，因为要赶7:40嘅车去蓬莱
去M记买咗份个人认为超抵嘅早餐——火腿麦皮包套餐（原名係乜唔记得咗啦）
一直喺度赞佢好吃，蚊话係因为我肚饿哦
我就觉得係因为呢个套餐一次过满足咗我两个愿望啦——肉&coffee
而且只需要6蚊，咁都仲唔叫超抵啊？


写今日嘅行程之前，先放几张临走前影嘅四季海嘅相
本来中山商务楼几只字已经唔算话好明显嘎啦
再加上条横巷日头係卖衫嘅，尽头只门仲要係关住嘅
点会谂到开门之后会天外有天哦~~
唔怪得我哋嘎~真係好深入嘛......








我哋搭去蓬莱班车，应该算係中巴吧，唔算坐得好舒服
4个半钟嘅车程，喺车上瞓咗N觉
到站后直接打电话俾我哋book好咗嘅海运渔家乐嘅老板葛叔
佢开咗部好cute嘅电动三轮车来接我哋


海运就唔算贵咯，70蚊/晚 两个人，有空调又有独立卫生间
而且葛叔一家人又好nice哦，所以，喺度帮佢哋做下广告啦~~


我哋今日嘅最主要行程，当然就係蓬莱阁啦~
喺葛叔度都可以买票噶，90蚊/张（原价100）
佢哋应该都係可以攞回扣嘎啦，唔知仲可唔可以讲价


“蓬莱阁同洞庭湖畔岳阳楼、南昌滕王阁、武昌黄鹤楼齐名，被誉为我国古代四大名楼。”
唔查唔知，原来我已经去晒四大名楼咯哦~~（虽然黄鹤楼就只係喺门口影咗张到此一游照，咁都算到过吧）


蓬莱阁嘅景区由几部分分景区组成嘅
网上D人普遍话最佳嘅玩法係先坐快艇到田横山景区，然后再往回走到蓬莱阁
so，我哋就跟网上嘅大队啦，先搭快艇...（30/人）


唔知点解，成只艇就只有我哋两个，好似包咗部艇咁
God，原来出海搭快艇，尤其係有D浪嘅时候，係咁过瘾噶
俾D浪抛到啊，真係严重虐待嗰pat，尤其係无乜肉嘅pat
痛到啊~~~~而且，我哋两个几惊一抛就将我哋抛出艇啊~~~~




全程快艇就大概4、5min，因为几惊险，所以就都算值嘅
呢个分景区最值得一提嘅就係“田横栈道”一段
可以望望海、玩玩水、影影相咯~~














呢度嘅海边，唔係沙滩，而係鹅卵石滩
尤其係，当D石仔湿咗水反光时，真係好靓
加埋阳光同飘上岸嘅绿色海藻
又来谋杀相机内存啦~~~~






仲可以近距离影下海鸥哦~~
影咗好多张噶，但由于台机嘅运动模式，唔知係咪有D问题，反正就报废咗N多张啦
最清楚就係呢两张咯~~
本来谂住第二日会出长岛，嗰时肯定大把机会同时间继续影岸边嘅海藻同海鸥
但好彩，都係提早影咗嗟......






所谓嘅黄海渤海分界线...
都睇唔清嘅~~~
都係只可以影张到此一游照……








喺田横山边磨磨蹭蹭行咗半日
最大嘅感想係——呢度嘅指示好不明，成日会荡失路，都唔知要点行先可以行得过蓬莱阁
第二个感想就係——全程都无人检票嘅~~真嘎，入蓬莱阁景区时，就无检票嘅人，行来行去，都始终唔见有
平时成日谂住点逃票，宜家反而係，谂住要搵人检票
无计啦，票就已经买咗啦，如果无人拣票，我哋两个咪非常傻仔...


以下係搵路途中影嘅相






都好彩，好唔容易俾我哋搵到条路，行到咗蓬莱阁嘅后门，呢度终于有人验票啦~~
蓬莱阁就唔介绍啦~~~睇下相算咯~~~~~
































由中午开始，喺蓬莱阁耗咗一日嘅时间
由非常饱，行到非常肚饿...
係啵，都唔记得讲下中午嗰餐
本来谂住去水城吃乜嘢小石蟹噶，网上闻说好平，乜嘢5蚊唔知有几多几多
我认错咯，做功课做一半唔做一半，净係知道水城喺蓬莱阁附近而且有嘢吃，就唔知水城喺边哦
最后都始终係搵唔到~~~~~~
而又超肚饿哦~~就是但搵咗间都颇多人嘅饺子馆试下咯~~


果然係海边，呢度D饺子同凉拌，都唔少得有海鲜
终于吃到传说中嘅鲅鱼饺子
D鱼肉已经同韭菜混埋一齐
係就係好鲜味，只可惜韭菜超多，抢晒D味
再加上本狮子对韭菜不大感冒，所以，评价就一般啦~~
都係碟凉拌扇贝青瓜好吃D，12蚊咋，平啊~~




oh，差D漏咗介绍呢条海鲜界奇葩——公主鱼
咪睇人哋有孖香肠嘴，又样衰衰
听闻人哋好有美容功效噶~~
不过就唔知係唔係卖鱼嗰个靓仔吹水啦~






眼宽肚窄嘅我哋，点咗2份饺子，1份凉拌
最后，剩咗差唔多成份饺子
本来谂住唔好咁浪费，所以打算打包去喂下流浪狗
点知，一只流浪狗狗都见唔到
唯一见到嘅一只，係有人带住出来逛街嘅，而且ms佢分分钟吃嘅嘢仲贵过我哋吃嘅
所以，都係放弃咯~~~~


讲完午餐，係时候show晚餐啦~
今晚嘅晚餐係——海鲜餐
蓬莱阁附近就有好多海鲜小馆
都唔算好贵嘅~~
睇中几样未试过嘅海鲜，行咗2间人多D嘅对比下价钱
然后就...开餐啦~~~

先来个青椒爆炒海肠子




再来个酱爆鲍鱼螺






最后再上个一人一碗嘅天鹅蛋清汤




碗汤超甜啊~~
不过其实样样菜都係简单加工
未算吃得好爽咯·~~


吃饱饱后，去咗超市买咗D试过同听早嘅食粮
本来谂住坐公车翻海运噶
点知，我哋睇站牌睇咗N耐，搵好应该搭边部车之后先发觉，D公车早喺6点半就已经无咗啦~
God，以前觉得猪海D公车8点几9点停车已经够早嘎啦，竟然会有更早嘅
呢度D人，唔係真係一D夜生活都无吧...


无计啦，唯有打的翻去，想话悭翻D都唔得...
刚上taxi，就接到葛叔嘅电话
原来佢係见我哋两个女仔咁夜都仲未翻，惊我哋唔识路或者唔知有乜事哦，所以打个电话来问问
呢个举措，真係觉得佢超好人咯~~


翻到去，第一时间搵葛叔报道，费事佢咁担心
顺便打算问问听日出长岛应该点去
点知，收到嘅只係一个bad news...
葛叔话，听日会落雨，所以去长岛嘅船应该会停开哦
就算早上可以过到去，呢两日应该都会落雨，分分钟会出唔翻来
本来啱先喺车上面已经听嗰司机话会落雨嘎啦，仲以为佢吹水，点知原来青岛D天气预报真係会咁准嘅


鉴于担心听日就算入到长岛都会出唔来，费事耽误咗之后喺青岛嘅行程
我哋一致决定，改变行程咯，听日就翻青岛，喺青岛hea多两日算咯~~
所以，伴随而来嘅係一个更大嘅bad news...
我哋要喺呢个旅游旺季临急临忙搵第二日就要住嘅地方


打电话打咗成晚
之前留低嘅一D备用电话啦、地图上面介绍嘅酒店啦，仲要远程遥控ZG帮我哋上网查
价钱合适嘅晨早就book满晒，贵嘅我哋又住唔起哦
唯有...最后唯有...book咗网上评价超一般嘅中山旅馆
一打电话去，就话听日有房，70或者80蚊一晚
唉~~试谂谂，喺呢个旅游旺季，竟然可以轻然易举咁book到房，而且，喺间间都升价嘅时候，佢间都仲係咁平，睇怕，真係唔会好得去边咯~~
无计啦，都唯有book住先，听日去到再行行搵搵其他咯~


喺打电话打到超攰嘅状态下，结束咗我哋第二日行程
虽然逼于无奈之下cut咗长岛游，但后来事实证明，呢个决定係非常正确嘅
至于点解咯哦，卖个关子先，下回分解哈~~呵呵~~




                                                          To Be Continued...

其实今日嘅主要行程就係搭机、搭车、落脚、吃嘢...


12点几嘅飞机，全程3h左右，我哋就到咗将要流连8、9日嘅青岛啦
哦，漏咗讲下我哋搭嗰台机
係飞机仔来嘎，我哋坐机尾，起机时可能刚好有气流，超den
抛落嗰嘢仲要有几明显嘅离心力哦，搞到同机D小朋友们喺度大哎...


落机后喺机场门口搭机场快线2号就可以直接到我哋要落脚嘅地方
呢度D机场快线1h一班，好衰唔衰，我哋啱好慢咗2、3min左右，搞到要喺门口等成个钟
喺机场搭出市区，佢会行慢线，兜好多落客点，所以可能坐咗2嗰几3个钟先到中山路


来之前就已经做好功课，比较咗好多间住嘅地方，亦都就好咗我哋行程嘅时间
第一晚，我哋就book咗四季海青年旅馆


虽然，网上已经有人写过话呢间嘢唔好搵，係喺路边某个地方入去嘅某个院仔入面
点知，真係好唔好搵...
我哋喺格林豪泰站落车，然后喺条中山路度兜来兜去，但始终都搵唔到栋乜“中山商务楼”
最后都係要直接打电话去四季海问嗰老细应该点行
然之后，我哋喺老细嘅指示下，继续喺中山路度兜来兜去，依然喺搵唔到嗰入口
搞到，嗰老细超唔耐烦，走埋出来搵我哋，仲话已经见到我哋两个咩住个大包喺度行来行去，就係一次次咁擦身而过
我谂，我哋肯定留俾四季海D人嘅印象就係两个非常BC嘅女仔...
但事实上係，真係好难搵嘛~~~~~
听日俾两张相你哋睇下就会知嘎啦~~


喺四季海住4人嘅床位房，每人都有嗰带锁嘅locker，所以，基本上係唔使担心行李嘅安全嘅
呢间青旅几得意噶，每个床位配套嘅枕巾、床单、被套等等，就放喺床位对应嘅locker入面
所有嘢都要自己整理，非常之自助……


同房嘅另两个，都係女仔，而且，都係自己一个人来青岛玩嘅
有小小佩服佢哋嘅勇气吧
蚊话，佢下次都要搵嗰地方自己去旅行
但我就真係唔想咯~
唔係话怕会有乜危险
就正如唔中意自己一个去睇电影一样，旅游，就更加唔想孤孤单单咁一个人
嗯，不过，都唔排除某朝一日我受咗乜刺激之后，自己一个搵个地方去远离尘世嘅，然后幻想下who可以搵到我，呵呵~


讲翻正题啦~~~
由于飞机晚点，同埋坐车啊、搵青旅啊，晒咗D时间
我哋喺四季海落脚整理好之后，都已经差唔多8点咯~~
起程去医肚~~


啱搵青旅嘅时候，就已经见到网上大名鼎鼎嘅王姐烧烤



王姐烧烤喺一个小路口嘅转弯角位
感觉上，就好似北京路嘅烧烤档一样
呢度最出名嘅就係烧鱿鱼啦~
係大大只嘅烧鱿鱼~~
大家可以通过对一次性筷子来对比睇下
我哋攞嘅已经係最细嘅嗰种嘎啦




一啖咬落去，感觉就係，D酱汁好咸
山东菜都係偏咸吧
不过就确实好好味，尤其係对两个好肚饿嘅人来讲





呢度仲会将鱿鱼分拆开N个部位来单独卖嗰哦



我哋拣咗两样最得意嘅试下——鱿鱼牙同鱿鱼头
其实鱿鱼牙就係鱿鱼眼（话怕用真名会吓到D人唔敢吃哦）
鱿鱼头就係脆骨嗰部分咯
反正，吃落嘅感觉就都係一样——好咸...




ps：网上仲流行话有间叫“美达尔烤肉”嘅烧烤唔错
其实间嘢就喺王姐对面
（都话好似北京路烧烤档嘅分布嘎啦）
但係，相对而言，冷清好多
吃嘅嘢同王姐差唔多，而感觉上又比较似D连锁式嘅店哦，风格上就已经降咗一级啦
所以，我哋都係决定唔吃，留肚去吃另外嘅嘢~


沿住中上路再行落D，就会见到网上话来青岛必去嘅一条小吃街——劈柴园
（嗰名係咪几搞嘢呢？？？）
呢度日头係小食街，夜晚就似係大排档街
而我就觉得，似係小食“状元坊”




呢度吃嘅嘢哦，当然係以海鲜为主啦
海鲜烧烤、海鲜小炒，应有尽有...






而我哋觉得最得意嘅，就係炭烧海星啦~
真係谂都无谂到，海星竟然可以烧烤
当晚就发咗炭烧海星嘅相俾N嗰人，个个收到都係回复一句“点吃啊？好唔好吃啊？”
等我宜家开估啦~~~~~
其实呢，我哋都怕会好难吃，所以就只係买咗两只爪（成只海星就5蚊，爪就1蚊/只）
so，我哋就只係知道爪点吃
想两边掰开之后，就会见到类似膏状嘅嘢
就係吃嗰D膏咯~~~~
海星嘛，就只係好咸咸海水味，同埋，非常极之腥
至于好唔好吃咯哦，呵呵，唔话你哋知，等有心人有机会见到就自己品尝下啦~










行咗一阵，我哋就揾咗间比较多人嘅大排档坐低
点咗D小龙虾啊、杂贝贝啊，烧咗两只大海虾啊，仲有叫咗份蛤蜊疙瘩汤
其实我哋都算失策嘎啦，又或者係太肚饿无问清楚
原来嗰D小龙虾同杂贝贝係炒好N耐嘅，同冷盘差唔多
而且虽然望落好红，但就只係煮熟咗之后再放入D辣椒汤入面浸，所以其实，无乜味






最唔抵就当然係杂贝入面用来垫底嘅螺丝，真係无晒意见
下次有人去嘅，一定要同卖嗰个讲要点样搭配各种贝嘅分量
最好吃嘅就係杂贝贝入面嘅超小贝贝，好有海鲜味（发觉唔记得影相）
同埋两只大海虾，超甜
睇下蚊蚊吃得几开心~~~~




吃饱饱之后，踱翻四季海
喺厅仔度摊抖下、发发彩信、影影相
咁就过完我哋嘅Day1咯~~
（嗯，最后睇睇，四季海度可以允许住客带喺市场买嘅海鲜翻来自己加工嘎，ms要收加工费，都係5蚊一份嗟，但呢个绝对係最好嘅吃法，迟D再讲你哋知点解哈~~~）










Well， Day1到此为止啦~~

                                                     To Be Continued...

对青岛嘅第一印象，係N年前嘅嗰部电影《恋之风景》
而第二印象，就已经飞到N年后嘅北京奥运风帆基地

呢个暑假，喺同蚊嘅精心策划下，终于踏上咗呢个岛城
（ps：再次抱怨下，宜家想搵嗰啱玩嘅又得闲嘅人去旅游，真係极之艰难嘅一件事~如果Twin蚊唔係读紧博，仲有who得闲陪我去玩啊？）

岛城9日游嘅最大感想——我“最爱旅游地方嘅排行榜”榜首要易主啦~
喺我去过旅游嘅地方入面（其实又唔算太多嘅），之前最爱係厦门，因为爱上鼓浪屿嘅悠闲自在
而宜家，当然非青岛莫属~

在我睇来，青岛（老城区）係一个扩大版嘅厦薄雾浓云愁永昼门（鼓浪屿）
而嘉蚊嘅讲法就係，青岛嘅建筑俾厦薄雾浓云愁永昼门嘅要自然同真实好多，鼓浪屿嘅已经係显得有D造作

However，确实爱上咗岛城嘅老城区
呢度嘅每一条街、每一栋建筑，都足以谋杀N多相机内存
呢度仲有我至爱嘅哥德式教堂，有又平又靓嘅海鲜，有好韩国feel嘅家庭小馆
反正就係，呢度嘅一切一切，都令人流连忘返......

趁住呢个暑假仲未正式开工，写下岛城嘅游记啦~~
（其实都已经俾N个人催咗N耐咯~）

anyway
大批靓相将会陆续登场，敬请期待啊！！！
（嗯，喺呢度仲要特别鸣谢一个人，就係怪兽兄台啦~~借咗台靓相机以解我燃眉之急，而且台机影相超掂哦，唔错唔错，功不可没啊~~呵呵~）